母與子

最近與家人在外吃飯，一對母子在旁吃飯，一邊爭坳，母親年約四十幾，兒子約16或17歲，母親對兒子說，「你啲朋友都唔知咩人，凌晨2點幾仲係度walkapp.都唔係啲正常人」，佢哋好正常係你唔正常，我啲朋友個個都係咁！」「咁都話正常，嘈住我瞓覺。佢哋再打嚟我實鬧佢哋！」「咁我咪出廳囉！」老實講個仔其實又講得好啱，佢嘅生活圈子嘅人來講，真係佢亞媽唔正常，但係佢若果俾咗個Iphone個仔，想佢唔walkapp其實好難，但問題去到呢一步同個仔嘈，實在好無謂，應該要俾Iphone佢嘅時候要協議好先俾佢用，唔聽話咪cut佢個plan，要佢自費，針唔吉到肉就唔痛。
記得約半年前，我又係出外晚膳，在我隔離枱有一家人吃飯，一對父母年約30幾，個仔約5、6歲左近，父親對兒子說，「頭先你亞媽幾搞笑，我同佢講：「……」」個仔即時回答，「有乜咁搞笑啫，人哋講錯之麻，你一啲都唔睇諒人嘅！」個亞爸即時無聲出，之後我無留意佢哋講乜，剩係聽到亞爸講，「我係你亞爸，我梗係最叻！」個仔又即時回答，「你係最叻，最叻就係認叻。」
有時有啲人教仔，到16、17歲想嘅嘢仍然係好膚淺，有人教仔，5、6歲就教得好深，識得為人設想，自愧不如！

復操

不知因為常有電腦，或因為坐姿不正確，日積月累的勞損，一個星期沒有練習跑步，要睇的醫生已經退休，對於其他的鉄打醫生，總是覺得祇是覺得不會處理，只是幫你塗上一點打鉄打藥，不會幫到移位的情況復位，由於已經了幾天，情況沒有好轉，惟有硬着頭皮找退休醫生的接班人一試，都好用心机找出勞損的位置，睇完頭一次，繃緊的情況已沒有出現，只覺得有一部份肌肉感覺異常，再睇完第二次應該會好番，相信日後都要耐唔耐睇番次，作為保養身子的療程。一星期冇跑，可能已給過人拋離十萬九千里，聽講佢又會參加內地半馬賽，在下就沒有佢咁神心，要保持住去跑十公里，去堅持住跑十幾公里，本身就唔容易，近來天氣轉涼，跑步的人明顯少咗，記得上一年金星凌日，人影都唔多個。究竟可以堅持到嘅人真係唔多，為自己健康着想要跑番咁上下，至好參加比賽。跑友不斷參加比賽提升自己跑步能力，而我則喜歡平時每日跑步，一方面可以減壓，一方面可以有一個優質嘅睡眠。
今日放咗半天假，目的要跑番十幾公里，若在星期日跑，單車橫飛，但平時單車勁，就好好跑，試過幾次都係跑得唔係咁順，因為體力問題，今次放鬆去跑，一直保持到速度，呼吸又暢順，唯一嘅問題都係雙腿未試過跑咁長途，和用這一個速度去跑，接近完成時雙腿好像不是自己的。掌握咗咁次嘅經驗，即使跑長途，中途能休息半分鐘，是好過不停咁跑，這一次非常高興，只要繼續操練，要完成半馬亦成功有望！

10K新手

跑步已跑了不短日子，由1K已跑到10K，本來亦無意要參加比賽，在過人游說下，最後參加咗十公里賽跑。相約過人會合，打電話時，只好用花名來確認，給兒子聽到，卻笑說「自己讚自己人上人，咁都有」。
日子終於來臨，編號是3242，對於迷信嘅人來講，是一個不好的編號，生易死易，對於唔迷信嘅我，初次參加比賽嘅我，心情都受多少影響。當天掛着1號風球，只是偶然下一兩滴雨粉，陽光只是偶爾出現，初次比賽的我睡得不好，很早便起牀，過人相約到大學站會合，6 時半便已一早到達，只見參加者不斷到達，要等的人編號3017終於出現，與過人素未謀面，但在網誌上看見他的容貌，面上和我一般留下了不少歲月的印記，寒喧幾句，一同趕赴起點，過人同友人相聚，一路上滔滔不絕，我亦八八掛掛聽埋一份，一路上有過人照應，果然事事得心應手。到達起點，所有參賽者八八九九都已到達，對於我這個初哥來說，自然覺得熱鬧非常。

放好行李，做完熱身，在起點等候倒數，對於志在必得的人自然站在最前一排，我們約在等6、7排開始，時間開始，便好像操兵一般，前面的人走了，後面的人催着我們向前跑，起初以為可以平常咁追過前面的人，漸漸發覺參加者都是訓練有素，絕非等閒之輩，漸漸因為追趕而影響了自己平時的節奏，橫隔膜有點隱隱痛，開始要調整自己的步韻和呼吸的節奏，甚至停了幾次下來，平時跑慣直跑的我，走慣平路的我，對於這條彎彎曲曲的路，對於上天橋，入隧道的跑道，竟然覺得有點吃力，平時努努力力，勇往直前的我，漸漸亦吃不消，一個比賽由比賽氣力，逐漸發覺除了是氣力的比拼外，還有是大腿肌肉的比拼。

停了幾次，不知落後了多少，浪費了不少時間，後來即使奮起力追，不過惟時已晚，最後超過心目中50分的時間，55分24秒。第一次試跑，總算完成。往後還要參加渣打半馬拉松，相信還要再下一番苦工。

與小叻慶祝國慶

10月1日和小叻相約在九龍見面，同上班一樣，倒塌咁早要乘車出去，仲話要等埋某某喝早茶，根據過往經驗，該位人卿完全信唔過，最近自己身體又不好，過時吃飯經常血糖低，提早到達相約地點，見還有時間，及早醫好過肚，費事唔點又搞到頭暈暈，可能經常跑步，大部份嘅能量都會去晒雙腿的肌肉，到快餐店打定底先，到預定時間準時和小叻相遇，着住一件大笨象T-裇，想同佢玩下，問佢「妳件大笨象衫好靚，我好鍾意，可唔可以借畀我着吓？」誰不知嫲嫲見她沒有任何表示，便替她回答，到達公園小叻要找鸚鵡，便帶她先到百鳥苑，可惜鸚鵡只自顧吃早餐，和第一次會講HELLO 的情況已沒有再出現，由於部份兒童遊樂設施封閉進行維修，小叻冇得到小童遊樂場玩，雖然有多少失落，幸好姑媽帶了竹蜻蜓，小叻玩得頗開心，還對我們說「想唔想睇表演啊？」，原來看她玩竹蜻蜓。又帶備毽子，我又可以踼一兩下，公園內行晨運的師奶竟然又有興趣，又要一展身手。時間到了便再同某某相會，一同前往喝早茶，又話食物好食根本一點也不好味，喝茶的時間又再測試一下小叻，對答的反應，但這一次loki搶着教小叻，令到失去了我的原意，惟有直接對LOKI講「LET HER THINK AND LET HER ANSWER」小叻喝茶時派貼紙，拿着巴斯光年貼紙，問邊個要，姑媽搶着說「我要」，小叻回答「這個要俾男仔架喎！」即時引來一陣笑聲，於是這個貼紙便屬於我這個姑丈，由於貼紙數量不多，最後一張給CITY，變成CITY 有兩張貼紙，我又問佢「點解CITY 有兩張貼紙嘅？」小叻話因為佢叻，所以畀多一張貼紙佢，這個表現肯定是從叻叻平時嘅行為學到的。我又想考考佢，於是話我和LOKI都好想要兩張貼紙，如果唔喺，我哋兩個會好唔開心，於是佢惟有去city攞番張俾LOKI。
飲完茶，我們乘的士都上次的公園玩，陽光比起上次多咗啲，千秋上次有一個畀成年人喺咁玩，可能唔知只限12歲兒童玩，結果害苦了其他小朋友玩不到。小叻以乎對踏單車好有興趣，玩過不停。最後玩完，當然要玩衫拍照，初時小叻換了另外一件T-shirt，我們叫她再換她初時拒絶，後來拿了旗袍出來給她看，她才說好啦！咁啱我又要去洗手間，佢似為我跟住佢入洗手門間，好擔心咁間我，你跟住嚟做乜呀！我便對她說，我未入過女廁，我想睇一吓女廁喺點樣之麻。佢隨即話，你喺男仔唔入得去架！最後佢見到我入咗男廁才安心一點。之後佢著咗旗袍出來，影完相又要換番衫。好快咁對我哋講再見，好快離開番屋企勒！